Təqdimetmə
Məqalələr rəsmi onlayn sistem vasitəsilə təqdim edilir.
JESHS formatına uyğun rəsmi Word şablonunu yükləyin və məqalənizi həmin fayl üzərində hazırlayın.
Dil və həcm
Məqalələr Azərbaycan, İngilis, Türk və Rus dillərində qəbul edilir. Minimum həcm 8 səhifə, tövsiyə olunan maksimum həcm 25 səhifədir. İngilis dilində başlıq, 150–250 sözlük xülasə və 3–6 açar söz tələb olunur.
Məqalə strukturu
- Başlıq
- Müəllif məlumatları, affiliation və ORCID
- Xülasə və açar sözlər
- Giriş
- Ədəbiyyat icmalı / nəzəri çərçivə
- Metodologiya
- Nəticələr
- Müzakirə
- Nəticə
- Funding, conflict of interest, ethics approval/informed consent və Data Availability Statement
- Ədəbiyyat siyahısı
İstinad və anonimləşdirmə
APA 7 müəllif–tarix sistemi istifadə olunur. Əsas rəy faylında müəllifi müəyyən edən məlumat olmamalıdır.
Cədvəllər, şəkillər və formulalar
Bütün cədvəl və şəkillər mətn daxilində ilk qeyd olunma ardıcıllığı ilə nömrələnməli, aydın başlıq/caption və zəruri olduqda mənbə ilə təqdim edilməlidir. Şəkillər oxunaqlı və nəşr üçün yetərli keyfiyyətdə olmalıdır; ayrıca fayl tələb edildikdə PNG, JPEG və ya TIFF formatları qəbul edilir. Qrafik, xəritə və diaqramlarda bütün yazılar nəşr ölçüsündə oxunaqlı qalmalıdır. Üçüncü tərəfə məxsus vizual materialların istifadəsi üçün zəruri icazələrin alınmasına müəllif cavabdehdir. Formulalar ardıcıl nömrələnməli və mətndə istinad edilə biləcək formada təqdim olunmalıdır.
Əlavə materiallar
Dataset, sorğu forması, müsahibə bələdçisi, kod, geniş cədvəllər, audio/video fayllar və digər supplementary material əsas məqalədən ayrıca təqdim edilə bilər. Hər əlavə fayl aydın adlandırılmalı və məqalədə ona istinad verilməlidir. Əlavə material da etik, müəllif hüquqları və məxfilik qaydalarına tabedir.
Fayl tələbləri
Əsas əlyazma DOCX formatında və jurnal şablonunda təqdim edilməlidir. Rəy üçün təqdim olunan əsas fayl anonimləşdirilmiş olmalı, müəllif adları və affiliation məlumatları sistemdə ayrıca daxil edilməlidir. Zərurət olduqda yüksək keyfiyyətli şəkillər və supplementary files ayrıca yüklənə bilər.
Plagiat və AI hesabatı
JESHS-in rəsmi tərəfdaşı DissLink.com vasitəsilə hazırlanmış plagiat və AI hesabatı yüklənməlidir. 20% plagiat/oxşarlıq və 15% AI göstəriciləri ilkin texniki hədlərdir və avtomatik rədd qərarı yaratmır; yekun qiymətləndirmə redaksiya tərəfindən aparılır.
Nəşr haqqı
Təqdimetmə və ekspert rəyi üçün ayrıca ödəniş yoxdur. Nəşr haqqı yalnız məqalə redaksiya və ekspert qiymətləndirilməsindən keçərək "Nəşrə qəbul edildi" statusuna çatdıqdan sonra tələb olunur. Bu mərhələyədək müəllifdən nəşr ödənişi istənilmir.
Qəbul edilmiş məqalələr üçün nəşr haqqı 4 AZN / səhifə əsasında hesablanır. Minimum 8 səhifə üçün minimum nəşr haqqı 32 AZN-dir.
Yekun məbləğ müəllifin ilkin yüklədiyi fayldakı səhifə sayına görə deyil, məqalə JESHS-in rəsmi format və şablonuna uyğunlaşdırıldıqdan sonra yaranan yekun səhifə sayına əsasən müəyyən edilir. Formatlaşdırma zamanı səhifə sayı arta və ya azala bilər; buna uyğun olaraq nəşr haqqı da arta və ya azala bilər. Yekun ödəniş məbləği redaksiya tərəfindən müəyyən edildikdən sonra müəllif panelində ödəniş düyməsi aktivləşdirilir.
