Etik prinsiplər
JESHS elmi dürüstlük, şəffaflıq, obyektivlik, məxfilik və hesabatlılıq prinsiplərinə əsaslanır.
Müəlliflik və contributorship
Müəllif kimi yalnız işin konsepsiyası, metodologiyası, məlumatların toplanması və ya analizi, mətnin hazırlanması və ya əsaslı elmi redaktəsi kimi real elmi töhfə vermiş şəxslər göstərilə bilər. Ghost authorship və gift/guest authorship qəbul edilmir. Töhfələr mümkün olduqda CRediT contributor roles ilə açıqlanır. Müəllif sırasının təqdimetmədən sonrakı dəyişməsi bütün müəlliflərin yazılı razılığı və redaksiyanın təsdiqi ilə mümkündür. Məsul müəllif bütün müəlliflərin yekun versiyanı təsdiqləməsinə və redaksiya yazışmalarına cavabdehdir.
Maraqların toqquşması
Müəlliflər maliyyə, şəxsi, peşəkar və institusional maraqları açıqlamalıdır. Rəyçi və redaktor potensial konflikt olduqda prosesdən çəkilməlidir. Redaktor öz məqaləsinə qərar verə bilməz; redaksiya heyəti üzvünün və ya Guest Editor-un məqaləsi həmin şəxsin iştirakı olmadan müstəqil editor tərəfindən idarə olunur.
İnsan iştirakçıları və informed consent
İnsan iştirakçıları, sorğu, müsahibə və şəxsi məlumatlardan istifadə edən tədqiqatlar uyğun etik komitə/IRB təsdiqini və ya əsaslandırılmış istisnanı göstərməlidir. Tələb olunduqda məlumatlandırılmış razılıq alınmalı, şəxsi məlumatlar minimallaşdırılmalı və anonimlik/məxfilik qorunmalıdır.
Research data
Empirik məqalələrdə Data Availability Statement təqdim olunmalıdır. Mümkün olduqda məlumat və kod etibarlı repozitoriyada paylaşılmalı və daimi keçid verilməlidir. Hüquqi, etik və məxfilik məhdudiyyəti olduqda bu məhdudiyyət bəyanatda izah edilməlidir.
Elmi sui-istifadə və araşdırma proseduru
Məlumat uydurması, saxtalaşdırılması, seçici manipulyasiya, plagiat, təkrar nəşr, müəlliflik saxtakarlığı, uyğun olmayan şəkil manipulyasiyası, məlumatların məqsədli gizlədilməsi və istinadların süni artırılması yolverilməzdir. Müəllifdən müəyyən jurnal, redaktor və ya müəllifə əsassız istinad tələb etmək qadağandır.
Etik pozuntu şübhəsi yarandıqda redaksiya ilkin fakt yoxlaması aparır, materialları və zərurət olduqda ilkin məlumatları/raw data tələb edir, müəllifə iddialara cavab vermək üçün münasib imkan yaradır və işi maraqlar toqquşması olmayan redaktor tərəfindən qiymətləndirir. Zəruri hallarda müəllifin təşkilatı, etik komitə və ya digər səlahiyyətli qurumla əlaqə saxlanıla bilər. Qərar mövcud sübutlara əsasən sənədləşdirilir; nəticə xəbərdarlıq, düzəliş tələbi, əlyazmanın rəddi, dərcdən sonrakı düzəliş, Expression of Concern və ya retraksiya ola bilər.
