Müəllif tərəfindən geri götürmə
Müəllif əlyazmanı geri götürmək istədikdə məsul müəllif bütün müəlliflərin razılığı ilə redaksiyaya yazılı müraciət etməli və səbəbi qısa şəkildə göstərməlidir.
Peer-review başlamadan əvvəl
Əlyazma xarici rəyə göndərilməyibsə, əsaslandırılmış geri götürmə müraciəti adətən inzibati qaydada bağlanır.
Peer-review zamanı
Rəy prosesi başladıqdan sonra redaksiya görülmüş işləri, etik öhdəlikləri və bütün müəlliflərin razılığını nəzərə alaraq müraciəti qiymətləndirir. Eyni əlyazmanın başqa jurnala paralel təqdim edilməsi yolverilməzdir.
Qəbuldan sonra
Qəbul edilmiş məqalənin geri götürülməsi yalnız ciddi və əsaslandırılmış səbəblərlə nəzərdən keçirilir. Jurnal əvvəlcədən elan edilməmiş cərimə və ya qeyri-müəyyən “withdrawal fee” tətbiq etmir. Yalnız müəlliflə əvvəlcədən yazılı razılaşdırılmış və faktiki yerinə yetirilmiş ayrıca istehsal xidməti mövcud olduqda həmin konkret xidmət üzrə real xərc ayrıca bildirilə bilər.
Jurnal tərəfindən geri götürmə
Etik pozuntu, müəlliflik mübahisəsi, paralel təqdimetmə, saxta məlumat və ya digər ciddi problem təsdiqlənərsə jurnal əlyazmanı prosesdən çıxara bilər.
Nəşrdən sonra
Dərc edilmiş məqalə adi withdrawal yolu ilə silinmir; düzəliş, Expression of Concern və retraksiya ayrıca post-publication siyasətinə uyğun aparılır.
